ATE CHARO (By Boy Kulot)

Ate Charo

By Boy Kulot

Dear Ate Charo,

Ako po ay isang masugid na taga subaybay ng inyong programa. Ilang beses na rin po akong napa-iyak dahil sa mga kwento ng buhay ng programang ito. Natutuwa din po akong hulaan ang title ng storya, kahit pa ito’y nangangahulugang mawawalan akong ng kinse pesos. Kahit kailan ay hindi pa ako nanalo. totoo po bang may nananalo sa mga palaro nyong iyon?

Bago po pala ako magsimulang mag kwento, nais ko lamang po sanang mag bigay ng shout-out sa aking mga katoto jan sa Accenture.

KESO (by NoBenta)

Keso

by NoBenta

Sa loob ng sasakyan ay masayang nakikinig ng musikang alternatibo sa Campus Radio 97.1 WLS-FM ang matalik na magkaibigang sina Joshua at Christian nang biglang ipatugtog ang "MMMBop" ng Hanson matapos ang "Where It's At" ni Beck. Ito ang unang pagkakataong pinayagan ng kani-kanilang mga magulang ang dalawa na lumabas ng Maynila para maglibang.

Tangina 'tong LS na ito, bakit ang dalas nitong buwisit na kantang 'to? Lipat natin sa NU.

Teka Josh, nagugustuhan ko 'yan, patapusin mo nalang.

Seryoso ka o nagpapatawa?

PAG-IBIG SA DAYUHANG LUPA (by Ron Coladilla Mia)

Pag-ibig sa Dayuhang Lupa

By Ron Coladilla Mia a.k.a. NiteWriter

Nasanay na maglakbay sa mundo na mag-isa
Walang inaasahan kundi sariling mga paa
Sariling sikap at sariling kayod
Upang pamumuhay ay maitaguyod

Huwarang anak sa kanyang mga magulang
Maasahang kaagapay sa mga kapatid na ang iba’y wala pang muwang
Taga suporta sa kanilang pangangailangan
Takbuhan sa oras ng kagipitan

HONG KONG HANGGANG BUKAS (ni U Z. Eliserio)

Hong Kong Hanggang Bukas

By U Z. Eliserio

Itinapon ni Culasa ang huling titi sa umaapaw na basurahan. Tapos na ang trabaho n’ya sa araw na ‘yon.

“Sa tao yata ‘yun,” sabi ng janitor, si Abigail. Buong araw nakatindig lamang s’ya, habang pinaghihiwalay ni Culasa ang mga titi. Trabaho ni Abigail na itapon ang laman ng basurahan.

Tumayo si Culasa sinuri ang bundok ng mga titi. Nang makita n’ya ang kanyang hinahanap hinalikan n’ya ito. “Oo nga ‘no?” Inilagay n’ya ito sa kaldero, kasama ang lampas isang dosenang kauri nito. “Naku, salamat ha?” Dagdag kita rin ‘yon.”

“Ok lang ‘yun. Nga pala, gusto mong magkape paglabas natin dito?” Umubo si Abigail, sabay buhat sa basurahan.

“Sige ba!”

“Kita na lang tayo sa labas.”

ANG KAHON NG LAURAN NI FELIPE (By Duking)

Ang Kahon ng Laruan ni Felipe

By Duking

Si Felipe ay may kahon ng mga laruan. Ang bawat pirasong naroon ay kanyang iniibig at pinag-mamalaki. Naniniwala siya na ang lahat ng iyon ay regalo sa kanya ng kanyang Ama na nasa malayong lugar. Mula sa nag-gagandahang kayumangging mga manika hanggang sa matatapang na mga laruang-kawal, may mga laruan pa siyang yari sa kahoy, mga laruang hayop at mga isda, mga holen na nangag-kikintaban at sadyang napakamahal at kahanga-hanga. Nangako siyang babantayan ang kahon mula sa sinumang bata na aagaw nito o kukuha ng isa man sa laman niyon.

TOROGI : ANG TAONG BUNDOK (by Jessica Lopez)

Torogi - Ang Taong Bundok

By Jessica Lopez

Hindi daw siya tao
Pumupugot ito ng ulo
May buntot at katakot-takot
Bahag ang tangi nitong saplot.

Sabi lang nila iyon
Panahon pa ng ninono nila noon
Makabagong henerasyon na ngayon
Masaganang kasaysayan patuloy na nanalaytay.

DILANG ANGHEL (Ni U Z. Eliserio)

Dilang Angel

BY : U Z. Eliserio

Muli't muli akong bumabalik ng Marikina. Pilit kong inaalala ang laging walang lamang KFC kung saan tayo laging kumakain, ang katapat nitong Immaculate Conception Church na dalawang beses nating binisita, ang palengke ng Concepcion, ang tanging malinis na palengke sa Pilpinas. Sa isip ko'y lagi-lagi akong sumasakay sa mga pink na Cubao-SSS Village jeepney, sasabihin ko, "Para po, para," pero di titigil ang sasakyan hanggang di ko binabatak ang tali sa kisame. Sa panaginip na ito'y daraanan ko ang junction na may Meralco office, Jollibee at Caltex, mga institusyon ng kapitalismo na umusisero nang minsang mag-away tayo sa kalsada. Pagkatapos makikita ko ulit ang bahay nina Karina, magtatanong ako sa sarili kahit minsan ba'y nagselos ka sa multo n'ya. At naroon ang Our Lady of Perpetual Succor na sabi mo'y hawig sa Enchanted Kingdom, kung saan gusto ko sanang mag-apply bilang guro para lang mapalapit sa iyo.